“Brazili është skuadra favorite për të fituar Kupën e Botës!” Kështu mendon një nga futbollistët i cili ngriti Botërorin e fundit për Brazilin në 2002, Nelson Dida, ish-portier i Milan dhe ‘seleçaos’.
– Ju kujtohet vetja juaj kur shihni Alisson?
– Është një portier i madh dhe po bën një punë të mirë. Edhe te Internacional i kishim vënë re aftësitë e tij që tani po i tregon te Roma. Pasi qëndroi një vit në stol, si zëvendës i Szczesny, mori vendin e titullarit. E fitoi vendin në kombëtare prej disa paraqitjeve shembullore. Po rritet ditë pas dite dhe ia u garantoj se mund të përmirësohet edhe më tej.
– Ka zëra që flasin për një kalim të tijin te Real Madrid…
– Tani duhet të qëndrojë i qetë dhe mos të mendojë për merkaton. Ai e di se çfarë duhet të bëj dhe çfarë është mirë për të ardhmen e tij.
– Brazili është favorit për Kupën e Botës?
– Po, sepse skuadra është shumë e fortë dhe ambienti ka harmoni. Mund të fitojmë Kupën e Botës për herë të gjashtë, por duhet të kemi kujdes nga Gjermania dhe Argjentina. Këto dy kundërshtarë janë ato që i druhem më shumë.
– A do të jetë Neymar lideri?
– Është ylli i skuadrës dhe të gjithë bëjmë tifo për të. Ai është një sulmues i madh dhe do të ketë në krah futbollistë shumë të aftë. Grupi është shumë kompakt dhe në Rusi do ta tregojnë. Një vend i tërë i ka sytë nga ata…
– Cili është kujtimi juaj më i bukur nga Botërori?
– I paharrueshëm do të mbetet viti 2002 kur ngrita kupën. Të fitosh është gjithmonë e paharrueshme, kujtimi më i bukur. Eshtë një emocion që e kujtoj ende sot, një sukses i rëndësishëm për Brazilin dhe ishte diçka speciale. Nuk do ta harroj kurrë golin që shënoi Ronaldinho ndaj Anglisë me goditje dën
