Një turiste e huaj mbeti e plagosur pasditen e sotme në një aksident rrugor në autostradën Durrës-Tiranë.
Ngjarja është shënuar në afërsi të Maminasit, ku mjeti me të cilin udhëtonte turistja është përplasur me një furgon mallrash.
E plagosura është transportuar drejt spitalit për marrjen e ndihmës mjekësore. Nga aksidenti janë dëmtuar rëndë dy automjetet. Aksidenti ka sjellë bllokimin e autostradës, teksa policia është nisur drejt vendit të ngjarjes.
