Alban Dudushi ka qenë dje i ftuar në “Kurthin e Piter Panit”. Ashtu si edhe të ftuarit e tjerë ai nuk e pati aspak të lehtë të përballej me pyetjet e njëpasnjëshme dhe të sikletshme të fëmijëve.
Albani ka rrëfyer se lindjen e Kroit e ka përjetuar edhe një herë nga e para, edhe pse kishte kujtuar se do të mbante mend se çcfarë ndodhte që nga lindja e vajzës. Përballë fëmijëve ai ka treguar se është dyfish i lumtur për lindjen e të birit dhe se e ka shijuar shumë vitin e tij të parë.
Mirëpo, në një moment gjatë pyetjeve të fëmijëve, ai është vënë në siklet, ndërsa u pyet se pse është ndarë nga ish-bashkëshortja, me të cilën ka edhe një vajzë.
I zënë ngushtë, por me shumë diplomaci, Alban Dudushi u përgjigj: “Ashtu si ju tani që mund të pëlqeni ndonjë gocë, kur je i ri të pëlqen shumë diçka, por më vonë kjo ndryshon. Unë me gruan time të parë u deshëm shumë dhe vendosën të bëjmë edhe një fëmijë bashkë. Por të rriturit mund të mërziten me njëri-tjetrin, por ky nuk është fundi i botës. E rëndësishme është që ta ruajnë atë pjesën e bukur që kanë me njëri-tjetrin. Ne kemi edhe një vajzë të bukur bashkë, kështu që ruajmë gjërat tona më të bukura”.
