Pasditen e së Dielës në Genova të Italisë një shqiptar ka mbetur i plagosur pas përleshjes të një grupi të rinjësh. Skena e përleshjes është parë nga disa kalimtarë të rastit të cilët kanë njoftuar policinë.
Menjëherë në vendin e ngjarjes mbërritën forcat e policisë dhe një ambulancë. Siç raportojnë mediat italianë ishin pesë ose gjashtë të rinj të cilët u përfshinë në këtë sherr. Ata u larguan të gjithë, ndërsa një i mitur shqiptar mbeti i plagosur duke u dërguar në spital.
