Ish-ministri i Drejtësisë, Ylli Manjani që vjen nga radhët e LSI-së nuk ndalet me akuzat drejtuar kryeministrit Edi Rama sa i takon çështjes së ministrit Fatmir Xhafaj. Përmes një statusi në ‘Facebook’ Manjani e ka cilësuar standard të dyfishtë mbrojtjen që Rama po i bën Xhafajt.
“Ndërsa Ministrin e Brendshëm që e akuzojnë me fakte që favorizoi vëllain e tij trafikant droge, e MBRON!!! Ndaj, jam dakord që ka dy standarde, që justifikojnë një të vetëm:
Po u more me drogë je me imunitet!”, shkruan me ironi Manjani.
MESAZHI I MANJANIT
Propagandistët e qeverisë këto ditë rreken të argumentojnë mbrojtjen e shokut Fatmir, me teorinë e “dy standardeve”.
Por, çuditërisht gabojnë në zgjedhjen e rastit model për krahasim. Secili zgjedh një rast nga kundërshtarët politikë…
Ndërkohë, Kryeministri ka shkarkuar në vend, publikisht, punonjës të administratës për një ankesë të pa verifikuar. E ka bërë disa herë këtë gjë!
I ka shkarkuar për pretendime, jo fakte, që kanë të bëjnë me letra, apo veprime e mosveprime administrative!
Ndërsa Ministrin e Brendshëm që e aluzojnë me fakte që favorizoi vëllain e tij trafikant droge, e MBRON!!!
Ndaj, jam dakord që ka dy standarde, që justifikojnë një të vetëm:
Po u more me drogë je me imunitet!
Narko-Rilindje…
