Kombëtarja shqiptare do të luajë pas disa ditësh dy ndeshje miqësore.
Kuqezinjtë do përballen fillimisht me Kosovën më 29 maj, ndërsa më 3 qershor do sfidojnë Ukrainën e drejtuar nga Andrij Shevçenko.
Në këto dy ndeshje, trajneri Panuçi do të ketë mundësinë të shohë nga afër gjendjen e lojtarëve të tij.
Risia e listës kësaj here është Sindrit Guri, shkodrani që Kukësi e shiti te klubi belg i Oostende për shifrën e 710 mijë eurove.
Megjithatë, mësohet se ekipit do i bashkohet edhe një tjetër emër surprizë.
Fjala është për Rei Manajn i cili aktualisht është pjesë e Granadës në Spanjë.
Golat e shënuar me Shqipërinë U21 kundër Sllovakisë kanë bërë që Manaj të kthehet me kombëtaren e madhe dhe Panuçi t’i japë një shans të ri.
