Protestë para bashkisë së Durrësit. Me dhjetra banorë të Rashbullit janë nisur për të protestuar para institucionit të bashkisë për shkaka të braktisjes nga ana e ketij institucioni pas përmbytjeve të një ditë më parë.
Një ditë më parë Katundi i Ri në Durrës ishte totalisht i përmbytur siç e tregojnë edhe fotot e mëposhtme të publikuar nga deputeti Oerd Bylykbashi në rrjetet sociale. Qeveritaret nuk e vene ujin ne zjarr, shkruan ai. U bë e disata herë brenda vitit që banoreve te zones u hyn deri ne 1 meter ujë nëpër shtepi dhe u demtohen pronat, baza ushqimore e bagëtive, nderkohe keto te fundit rrezikojne te mbyten duke shkaktuar deme te pallogariteshme per ekonomite e drobitura te ketyre familjeve. Kjo situate katastrofike per keta banore nuk po ndodh vetem gjate dimrit por edhe ne prag te veres, shkruan deputeti i opozitës.
Ndërkohë që kjo situatë duket që i ka nxitur këta banorë të zonës të drejtohen për të protestuar para bashkisë së Durrësit për të kërkuar ndërhyrjen e të zgjedhurve vendorë që kjo situatë dramtike te marrë fund.
