Në mbledhjen e grupit të PS-së, Rama informoi deputetët socialistë mbi takimin me presidentin francez Emmanuel Macron, ditën e djeshme dhe foli për akuzat e PD-së ndaj ministrit të Brendshëm Fatmir Xhafaj.
Lidhur me takimin me Macron, Rama tha se Franca s’ka ende një vendimarrje lidhur me qëndrimin për votën në fund të qershortit në Këshillin Europian, për hapjen e negociatave për integrimin e Shqipërisë në BE. Ndërsa akuzave të opozitës se Xhafaj ka mbrojtur nga ekstradimi në Itali të vëllanë (e dënuar me 7 vite e 2 muaj burg për trafik drogë nga gjykata Supreme e shtetit fqinjë), duke shkelur ligjin kur ishte kryetar i komisionit të ligjeve, Rama tha se, kjo është një hitori e ditur. Sipas tij, ministrit Xhafaj s’ka faj për aktivitetin e të vëllait. Në një pjesë të mirë të ligjëratës, sulmoi Partinë Demokratike.
Në një moment, Rama kaloi edhe në deklarata delirante: “Po të mos shihja si dritë e diellit atë që mund të bëja si dritë e diellit nuk do të ushtroja më këtë post”.
“Në politikë nuk janë të gjithë dërra migjenianë që tjetër thotë e tjetër bëjnë”, tha Rama…. “Edhe vete politikanët s’janë njësoj”.
