Ish-ministri i Brendshëm, Saimir Tahiri, do të jetë i pranishëm ditën e sotme në Gjykatën e Krimeve të Rënda për verifikimin e masës së sigurisë. Vëtë Tahiri e ka konfirmuar këtë fakt. Seanca pritet të fillojë rreth orës 11:00, ndërkohë që avokati i tij Maks Haxhia tashmë është paraqitur në ambientet e Gjykatës së Krimeve të Rënda.
Kujtojmë se ditën e shtunë, Gjykata e Krimeve të Rënda vendosi masën e sigurisë “arrest shtëpie” për ish-ministrin, që po hetohet nga Prokuroria për lidhje me grupin e drogës së Moisi Habilajt. Prokuroria e Krimeve të Rënda kërkoi masën e arrestit me burg për ish-deputetin e PS-së, por gjyqtarja Liljana Baku vendosi “arrest shtëpie”.
Në seancëne sotme pritet që Saimir Tahiri të parashtrojë vështrimin e tij për masën dhe ta kundërshtojnë atë.
