Lulzim Basha ka dalë në një konferencë për media në lidhje me skandalin e Fatmir Xhafajt.
Sipas Bashës, Agron Xhafaj duhej të ishte arrestuar pas gjithë këtyre fakteve, por Fatmir Xhafaj nuk e zbaton ligjin.
Pjesë nga deklarata e Lulzim Bashës:
Prej 1 jave janë bërë publike fakte për narkoskandalin Xhafaj. Prej 1 jave shqiptarët të çfarë do lloj bindje politike kanë pritur që Fatmir Xhafaj të jepte dorëheqjen ose të shkarkohej.
Është fakt që Agron Xhafaj është kapur në një aksion ndërkombëtar droge nga Policia Italiane dhe DEA.
Është fakt që Agron Xhafaj është i dënuar nga drejtësia italiane. Është fakt që Agron Xhafaj i ka ikur drejtësisë, ka pasur edhe avokat mbrojtës, por ka zgjedhur për tu arratisur.
Është fakt që Agron Xhafaj nuk ka vuajtur asnjë ditë burg as në Itali as në Shqipëri.
Është fakt që ai e ka ndërruar emrin nga Agron në Geron. Në bazë të këtyre fakteve Agron Xhafaj duhet të arrestohet.
Është fakt që në bazë të ligjit antimafia, pasuritë e tij duhet të hetohen e konfiskohen.
