Një aksident i rëndë automobilistik ka ndodhur në orët e para të mëngjesit në rrugën Fier-Roskovec. Një automjet tip “Benz” me targa AA 483 HL ka përfunduar në kanal e për pasojë ka humbur jetën një 52-vjeçar. Po kështu kanë mbetur të plagosur 2 të rinj.
Sipas të dhënave zyrtare, aksidenti ka ndodhur rreth orës 02:30, në vendin e quajtur “Kthesa e Verbasit”, kur shtetasi Elton Çobaj, 26 vjeç, banues në Patos, duke drejtuar mjetin tip “Benz” në gjendje të dehur, ka dalë nga rruga dhe ka rënë në kanal.
Si pasojë ka gjetur vdekjen pasagjeri, shtetasi Agron Shehaj, 52 vjeç, banues në Patos. Gjithashtu kanë marë dëmtime dhe ndodhen në Spitalin Rajonal Fier nën kujdesin e mjekëve drejtuesi i mjetit dhe pasagjeri tjetër, shtetasi Marsel Shamataj, 25 vjeç, banues në Patos. Policia thotë se nga testi i alkoolit, drejtuesi i mjetit rezultoi në gjendje të dehur në masën 1.08 mg/l. Grupi hetimor po punon për sqarimin e plotë të rrethanave të kësaj ngjarjeje.
