Astrit Keçi, i dënuar me 30 vite burg nga drejtësia italiane është vënë në pranga nga policia shqiptare në Shijak. Arrestimi është njoftuar nga Policia e Shtetit në faqen e saj zyrtare të internetit, ditën e premte.
Ndërsa sot, disa media italiane i kanë dhënë një vëmendje të madhe këtij operacioni policor në Shqipëri, pasi Astrit Keçi ishte shpallur në kërkim ndërkombëtar nga autoritetet italiane.
Pas arrestimit në Shijak, 49-vjeçari pritet të ekstradohet drejt Italisë për të vuajtuar dënimet penale të dhëna nga drejtësia e këtij vendi.
Gjykata e Apelit në Milano e ka dënuar Astrit Keçin ne 9 Shkurt 2016 me 30 vjet burgim, për veprën penale “Organizate kriminale me qëllim trafikimi të lëndëve narkotike”. Por ky dënim është dhënë në mungesë, pasi Keçi kishte mundur të largohej ilegalisht nga Italia më herët.
