Një super operacion policor, hetimet e të cilit kishin nisur prej më shumë se 1 viti, ka çuar sot në shkatërrimin e një bande të trafikut të hashashit, nga Shqipëria për në Tuqi.
19 persona kanë rënë në pranga, ndërsa vijon hetimi për të zbuluar bashkëpunëtorë të tjerë, të organizatës së strukturuar kriminale të trafikantit Met Kanani, 56-vjeçari nga Fieri aktualisht në burg në Turqi.
Të arrestuarit në qytetet e Vlorës, Fierit, Lezhës, Korçës dhe Shkodrës, janë Alfred Shabani, Armando Gjini, Iliro Haruni, Orges Islami, Arvanit Ulndreaj, Klaudio Ulndreaj, Florand Xhabej, Gojart Jahelezi, Lavdim Çuku, Klinsi Aliaj, Nexhat Mlloja, Andrea (Sadik) Balla, Bilbil Heqimi.
Ndërkohë, në Turqi dhe Maqedoni janë në burg edhe 4 shqiptarë të tjerë, që e çojnë numrin e të arrestuarve të kësaj organizate, në 19.
Redjan Dervishi, Ruvin Spahiu dhe Besmir Llupi, të tre në burg në Turqi) dhe Mentor Muçka, aktualisht në burg në Maqedoni.
Gjithashtu është shpallur në kërkim një person me inicialet S.R, banues në Librazhd.
Dyshimet ishin se ky grup kriminal vepronte në linjat e trafikimit të heroinës, Turqi – Greqi – vendet e BE-së, si dhe Turqi – Maqedoni – Shqipëri – vendet e BE-së.
Një tjetër aktivitet kriminal, i zbuluar nga hetimet ishte trafikimi i kokainës nga vendet e Amerikës Latine përmes vendeve të Ballkanit në Shqipëri dhe vendet e BE-së.
Në kuadër të veprimeve hetimore, me autorizim të Prokurorisë për Krime të Rënda, është shkëmbyer informacion me autoritetet policore të Greqisë, Turqisë, Maqedonisë, Italisë me ndërmjetësimin e DEA-s, SELEC dhe oficerëve të kontaktit të vendeve respektive ku janë realizuar me sukses një sërë operacionesh policore.
