Deputeti demokrat Enkelejd Alibeaj i bëri thirrje Prokurorisë të nisë hetimet ndaj ministrit të Brendshëm Fatmir Xhafaj.
Në një deklaratë nga selia blu, bashke me deputetin tjetër demokrat Gazmend Bardhi, Alibeaj e akuzoi sërish sot ministrin se në kundërshtim me ligjin ka mbrojtur të vëllanë Agron Xhafaj nga ekstradimi në Itali, ku është dënuar me më shumë se 7 vite burgim nga Gjykata Supreme.
“Prokuroria ka detyrim ligjor të marrë në përgjegjësi penale Fatmir Xhafajn për falksifikim dokumentesh dhe korrupsion të zyrtarëve të lartë publik”, tha Alibeaj.
“Çdo vonesë, çdo ditë mosveprimi i pas fakteve dhe provave të bëra publike tashmë, për kryerjen e veprave penale nga ministri i Brendshëm, e bën edhe këtë organ përgjegjës ligjërisht”, shtoi ai.
