Policia e Kurbinit ka arrestuar një 36-vjeçar , pasi gjatë kontrollit i është selkuestruar dy mina me telekomnadë.
Në kuadrin e operacionit “Skuter ” për parandalimin e ngjarjeve kriminale, policia bëri arrestimin e Fatjon Llanaj banues në Tiranë.
Mbi të rëndon akuza ” Mbajtja pa leje dhe prodhimi i armëve, armëve shpërthyese dhe municionit”
Njoftimi i policisë
Finalizohet operacioni i koduar “Skuter ”
Sekuestrohen 2 mina me telekomandë
Arrestohet në flagrancë poseduesi i tyre
Më datë 10.05.2018, në vijim të punës për parandalimin e ngjarjeve kriminale dhe goditjen e veprimtarive të kundraligjshme duke vendosur para përgjegjësisë ligjore autorët e dyshuar, nga efektivët e Seksionit kundër trafiqeve të paligjshme në Drejtorinë Vendore të Policisë Lezhë, bazuar në informacione të siguruara në rrugë policore, u bë i mundur arrestimi në flagrancë i shtetasit:
– Fatjon Llanaj, 36 vjeç, banues në Tiranë.
Ky shtetas u kap afër Mbikalimit të Patokut, duke drejtuar një motor tip Piaggo pa targë, ku në një çantë kishte të fshehur 2 mina me telekomandë të cilat u sekuestruan në cilësinë e proves materiale.
Vepra penale në ngarkim të tij ” Mbajtja pa leje dhe prodhimi i armëve, armëve shpërthyese dhe municionit” parashikuar nga neni 278/5 i Kodit Penal.
Materialet proçeduriale iu referuan Prokurorisë së Rrethit Gjyqësor Kurbin, për veprime të mëtejshme.
