Fatmir Hoxha, anëtar i Gjykatës Kushtetuese prej vitit 2011 është shkarkuar nga detyra. Vendimi u dha sot nga Komisioni i Pavarur i Kualifikimit, që vlerësoi se gjyqtari Hoxha nuk arrin të justifikojë pasurinë.
Sipas komisionit ai nuk justiãkon mënyrën e blerjes së një apartamenti në Tiranë, për një shumë prej 140 mijë Eurosh. Nga hetimi i KPK rezulton se Hoxha ka marrë një borxh prej 28 mijë Eurosh tek kunati i tij dhe nje kredi të butë 5 milionë Lekë të cilën vazhdon ta paguajë. Sa i përket pastërtisë së ãgurës dhe anës profesionale, gjyqtari nuk ka probleme.
Hoxha ishte gjyqtari i pestë i Kushtetueses që përfshihet në procesin e vetingut, pas Besnik Ymerajt, Fatos Lulos, Vitore Tushës dhe Altina Xhoxhajt.
Ymeraj dha dorëheqjen nga sistemi gjyqësor, por u referua nga Komisioni i Pavarur i Kualifikimit në Prokurori, Fatos Lulo dhe Altina Xhoxhaj u shkarkuan nga detyra nga KPP ashtu si Hoxha sot. Vitore Tusha është e vetmja e konfirmuar në detyrë deri më tani.
Vendi është tanimë praktikisht pa Gjykatë Kushtetuese funksionale, por shkarkimi i Hoxhës e thellon akoma dhe më shumë krizën.
