Gjykata e Lezhës ka rivlerësuar masën e sigurisë për kryetarin e Bashkisë së Lezhës Fran Frrokaj, duke vendosur “detyrim paraqitje”.
Frrokajt i është bllokuar gjithashtu pasaporta për të mos dalë nga shteti.
Frrokaj ishte në “arrest shtëpie” pa mbikëqyrje policore për shkak se është në hetim së bashku me zyrtarë të tjerë të Bashkisë për tjetërsimin e 234 mijë metrave katrorë në plazhin e “Ranës së Hedhun”. Kryetari i Bashkisë së Lezhës, Fran Frrokaj ka mohuar akuzat për shpërdorim detyre.
Avokati i tij ka thënë më herët se Frrokaj nuk ka përgjegjësi penale për tjetërsimin e tokave. Sipas hetimeve të Prokruroisë së Lezhës, 23 persona tjetërsuar tokat në bregdet. Nga të pandehurit, 14 janë arrestuar kurse 9 të tjerë janë në kërkim.
