Gjykata e Fierit ka liruar ditën e sotme ish-deputetin Mark Frroku.
Vendimi është bërë publik ditën e sotme.
Frrokut i kishte mbetur edhe 1 vit burg, por gjykata ka vendosur ta pezullojë vendimin.
Ndaj Frrokut është vendosur masa e sigurimit ‘detyrim paraqitje’.
Mark Frroku ishte dënuar nga Gjykata e Tiranës me 7 vite e 5 muaj burg, por Apeli do të ja ulte dënimin në 6 vite.
Pasi ka vuajtur disa vite, gjykata e Fierit sot ka vendosur që Frroku të dalë nga burgu.
Ka fituar ditën e sotme lirin me kusht Mark Frroku, vendimin e mori gjykata e Fierit ndërsa Frroku ishte dënuar për 3 vepra penale. vepra penale, ‘Fshehje pasurie’, ‘Ndërtim i paligjshëm’ dhe për ‘Pastrim të produkteve të veprës penale’.
Frroku ka lënë ambientet e institucionit ku vuante dënimin një ditë më parë..
Ndërkohë, Prokuroria kishte kërkuar dënimin me 25 vite burgim për Frrokun, nga të cilat 17 vetëm për akuzën e vrasjen në kryeqytetin belg, Bruksel, në vitin 1999, të një shqiptari, gjatë një përplasjeje mes grupeve që kontrollonin një rrjet prostitucioni, por Mark Frroku u shpall i pafajshëm për ngjarjen e ndodhur në Belgjikë.
Pavarësisht se u la i lirë, Frroku nuk do t’u shpëtojë dyerve të gjykatave, pasi javën që vjen do të nisë procesi gjyqësor ku është i përfshirë bashkë me deputetin Tom Doshi dhe Durim Bamin. Kujtojmë se Doshi kohë më parë denoncoi faktin se atij dhe një deputeti të PD asokohe, Mëhill Fufi u rrezikohej jeta, pasi ishte planifikuar që ata të vriteshin.
