Një i ri shqiptar është ekzekutuar mbrëmë në Sinalunga, të Italisë. Sipas mediave lokale një 22-vjeçar u qëllua për vdekje sa doli nga një shtëpi. Identiteti i shqiptari ende nuk dihet, por mediat shkruajnë se ai ishte për darkë me miqtë.
Ashtu si në ekzekutimet mafioze vrasësi, pasi pa që i riu ndërroi jetë u largua. Por arratia e vrasësit nuk zgjati shumë pasi pas tre orësh ai u arrestua. Bëhet fjalë për një 34-vjeçar italian.
Ai kishte disa plagë në trup dhe njolla gjaku, ndërsa policia ka dyshime se përpara vrasjes së 22-vjeçarit shqiptar ata të jenë përleshur.
Pista kryesore e hetimit është ajo për trafikun e drogës, por hetuesit as nuk e përjashtojnë edhe pistën për një krim pasioni. Duket qartë thonë autoritetet se vrasësi shkarkoi me qëllimin specifik për të vrarë.
