Qeveria ka miratuar planin kombëtar për integrimin evropian 2018–2020 (PKIE), ndërsa Ministria për Evropën dhe Punët e Jashtme është ajo që bashkërendon dhe monitoron zbatimin e këtij plani nga grupet ndërinstitucionale të punës.
Sipas vendimit, ministri Ditmir Bushati, ngarkohet të raportojë çdo 3 (tre) muaj në Këshillin e Ministrave për ecurinë e zbatimit të PKIE 2018–2020, ndërsa një herë në tre muaj raportojnë edhe Ministritë dhe institucionet e tjera koordinuese të grupeve ndërinstitucionale.
Vendimi nr.42, datë 25.1.2017, i Këshillit të Ministrave, “Për miratimin e Planit Kombëtar për Integrimin Evropian 2017–2020”, shfuqizohet. Të gjitha ministritë dhe institucionet qendrore në varësi të Kryeministrit, ngarkohen për të zbatuar PKIE 2018–2020. Ky vendim hyn në fuqi menjëherë dhe botohet në “Fletoren zyrtare”.
