Eugent Bushpepa na bëri të ndihemi krenarë me performancën e tij në Eurovzion dhe me faktin që kënga e tij u kualifikua në finale. Ai nuk ka bërë përshtypje vetëm për këngën dhe talentin e tij, por edhe për paraqitjen. Eugenti është listuar ndër meshkujt më seksi në Eurovizion dhe është renditur në vendin e gjashtë.

Ai ka fituar zemrën e shumë vajzave, madje edhe atë të prezantueses portugeze, Filomena Cautela. Ajo i ka thënë Eugentit se i pëlqejnë tatuazhet e tij dhe se do të donte që ai të bënte një tatuazh me emrin e saj.

“Ti ke tatuazhet më të bukura që kam parë ndonjëherë! Këtu kam tatuazhin tënd më të ri, emrin tim”, -i është drejtuar prezantuesja Eugentit, duke i dhënë një letër, ku ishte pikturuar një zemër me shigjetë dhe emri ‘Mena’ brenda saj. Ndërsa këngëtari shqiptar i është përgjigjur se do ta mbante në zemër.