Ish-Drejtori i Përgjithshëm i Policisë, Ahmet Prençi ka reaguar pas deklaratave të bëra nga Ministri i Brendshëm, Fatmir Xhafaj, i cili tha se nuk mban përgjegjësi për të vëllain.
Me anë të një statusi në Facebook, Prençi shkruan se Ministri i Brendshëm nuk mban përgjegjësi për vëllain kriminel, ndërsa polici i thjeshtë po, duke e konsideruar këtë gjë një turp.
Më tej Prençi shkruan se Xhafaj është i padenjë për të luftuar krimin.
Ja çfarë shkruan Prençi:
Ministri i brendshëm nuk mban përgjegjësi për vëllain trafikant droge! Polici më i thjeshte sigurisht që PO! Ai është “i padenjë” për të luftuar krimin, edhe nëse e ka nisur këtë mision fisnik që fëmijë, madje edhe nëse ka plagë të krimit në trup! TURP!!!
Kryeprokurorja Marku garantoi bashkëpunim për hetime të vazhdueshme të çështjeve nga Prokuroria e Krimeve të Rënda ndaj kujtdo që shkel ligjin.
