Policia e Tiranës ka dhënë detaje lidhur me raportimet për të shtëna me armë zjarri në zonën e “Don Boskos” mbrëmjen e sotme.
Sipas një rindërtimi paraprak të ngjarjes nga Policia, në rrugën ‘Don Bosko’, pas një konflikti ndërmjet B.,Z., dhe J.K., shtetasi B.Z. ka gjuajtur një herë në ajër me armë zjarri dhe më pas të dy janë larguar.
Nuk ka persona të plagosur nga qitja e armës së zjarrit, që dyshohet të ketë qenë pistoletë, pasi në vendngjarje grupi hetimor ka sekuestruar një gëzhojë pistolete.
“Vijon puna për zbardhjen e rrethanave të plota të këtij konflikti, kapjen e shoqërimin e shtetasve në konflikt si dhe për gjetjen e sekuestrimin e armës së zjarrit”, njoftoi Policia.
