Digjet një magazinë mallrash në kryeqytet, duke rrezikuar jetën e disa banorëve. Ngjarja ka ndodhur rreth një orë më parë, ndërsa në vendin e ngjarjes ndodhen ende forcat zjarrfikëse për të vënë nën kontroll situatën.
“Me datë 02.04.2018, rreth orës 19:30, në rrugën “Siri Kodra”, në një magazinë ka rënë zjarr. Menjëher në vendngjarje kanë shkuar shërbimet e Policisë dhe Zjarrëfikësja ku po punohet për fikjen e zjarrit dhe evakuimin i banorëve të ndodhur në banesat pranë. Si pasojë e zjarrit ka vetëm dëme materiale. Grupi hetimor ndodhet në vendngjarje për zbardhjen e plotë të shkaqeve dhe rrethanave të zjarrit”-thuhet në njoftimin e policisë së Tiranës.
