Në fillim e godet me shkelm, pastaj e qëllon në fytyrë ne shuplakë dhe e kapë nga flokët. Këto janë skenat e një video të filmuar Karolinën e Jugut, SHBA ku një mësuese zgjon nxënësen e cila flinte më klasë.
Videoja është filmmuar dhe postuar në rrjetet sociale nga një tjetër nxënës, i cili ishte i pranishëm në klasë. Mësuesja, e cila për 27 vjet ka dhënë lëndën e matematikës në Palmetto Hight School, ka dhënë dorëheqjen nga detyra pasi pa videon e saj të shpërndarë në internet shkruan Daily Mail
Mësuesja ka deklaruar se ajo donte vetëm ta zgjonte nxënësen duke “bërë shaka”. “Nëse pyesni fëmijët do t’ju thonë se bëj shpesh shaka me ta, qeshin dhe bëjmë shaka së bashku. E di se nga video duket që unë kam vepruar keq, nëse dikush nuk e njeh situatën.
Por nuk ishte një gjest dashakeq. Dua vetëm që njerëzit ta dinë që i dua nxënësit e mi, me të cilët kam pasur gjithnjë një marrëdhënie të shkëlqyer”- ka thënën mësuesja e matematikës.
Babai i fëmijës që u bë protagonist në video, ka thënë që familja e tij nuk ka kërkuar kurrë që të merren masa disiplinore ndaj mësueses. “Vajza ime s’ka të bëjë fare me këtë rast. Nuk doja që mësuesja të largohej. Shpresoj të kthehet”, – tha ai. Edhe mësues e prindër të tjerë kanë protestuar kundër dorëheqjes së profesoreshës.
