Tetë deputetë holandezë që kanë mision mbledhjen e fakteve mbi ecurinë e reformave në Shqipërinë që kërkon çeljen e negociatave me BE-në, kanë mbërritur në Shqipëri. Deputetët janë takuar në Tiranë me kryeministrin Edi Rama dhe kreun e opozitës, Lulzim Basha.
Në një prononcim për mediat pas takimit me Ramën dhe Bashën, ata u shprehën se Shqipëria ende nuk është gati për hapjen e negociatave për integrimin në BE.
Sipas tyre, nuk mjaftojnë vetëm plotësimi i 5 prioriteteve, ndërsa kërkuan që zyrtarët e korruptuar të cdo niveli të dalin para drejtësisë. Një tjetër shqetësim i ngritur nga deputetët ishin edhe kriminaliteti shqiptar në Holandë.
Në fund në vizitës, delegacioni holandez do të hartojnë një raport për parlamentin holandez i cili do të thotë fjalën e fundit pas propozimit të KE për çeljen e negociatave për anëtarësim.
Delegacioni drejtohet nga Malik Azmani që i përket partisë për Liri dhe Demokraci ndërsa anëtarë janë Anne Mulder po nga e njëjta parti. Kees Verhoeven nga partia Demokratët 66, Bram Van Ojik të Gjelbrit e Majtë, Frank Futselaar Partia Socialiste, Stieneke Van der Graaf Unioni Kristian, Mr Pieter Omtzigt partia Kristian Demokrate dhe Jeffrey Van Haaster.
