Një person është gjetur i mbytur në një lumë në Pogradec mbrëmjen e sotme. Kanë qenë banorët e zonës të cilët lajmëruan policinë për ngjarjen e rëndë.
“Më datë 06.05.2018, jemi njoftuar se në fshatin Slabinjë, është gjetur i mbytur në lumë shtetasi B.J, rreth 55 vjeç, banues në fshatin Jollë. Nga kqyrja paraprake e trupit të viktimës, nuk janë konstatuar shenja dhune”-thonë burimet policore.
Grupi hetimor po punon për sqarimin e rrethanave të ngjarjes dhe pritet që të kryhet autopsia për të përcaktuar shkaqet e vdekjes së 55-vjeçarit. Paraprakisht dyshohet se të ketë qenë një ngjarje aksidentale.
