Një ditë pas dorëzimit të mandatit nga ish-ministri i Brendshëm Saimir Tahiri, Spartak Braho është takuar me kryeparlamentarin Ruçi.
Braho është duke zhvilluar një takim me kreun e parlamentit Gramoz Ruçi në kryesinë e Kuvendit.
Ndërkohë, ish-ministri Saimir Tahiri nuk e ka dërguar ende zyrtarisht letrën e dorëzimit të mandatit të deputetit. Pritet që kërkesa e tij për heqjen dorë nga mandati të dorëzohet sot. Më pas, Kuvendi ja përcjell atë Komisionit Qëndror të Zgjedhjeve, që më pas bën zëvendësimin me kandidatin pasardhës në listën e kandidatëve për deputetë, që është Spartak Braho.
Megjithatë ky i fundit, të paktën sipas deklaratave të djeshme, duket se ende nuk ka një vendim nëse do të marrë apo jo mandatin e deputetit.
