Në qytetin e Kukësit, anëtari i Këshillit Bashkiak Basri Elezi, ka dalë mëngjesin e sotëm në protestë para Gjykatës së Rrethit Gjyqësor Kukës kundrejt një dënimi, sipas tij, të padrejtë.
Elezi thotë që i është dhënë një dënim ku është shkelur Kushtetuta. Ish-kryetari i Këshillit Bashkiak i ka quajtur gjyqtarët dhe prokurorët të korruptuar, pasi “është dënuar para një muaji me 80 orë punë të detyrueshme për një dënim të 20 viteve më parë për leje qarkullimi”.
Basri Elezi i ka bërë thirrje kryeprokurores Arta Marku “për marrjen e masave kundrejt këtyre gjykimeve të padrejta ndaj tij”.
“Shpreh neveri për këto gjakpirsa të popullit tëpafajshëm. Gjykata dhe prokori me prokuror Rita Gjati, Etmond Karriçi, Isuf Shehu, Granit Çipi, shkelësit e Kushtetutës, gjakpirësit e popullit, viktima e tyre jam edhe unë”, shkruan anëtari i Këshillit Bashkiak Kukës Basri Elezi, në pankartën që mban në duar.
