Këtë të premte është arrestuar në Gjermani Arbër Çekaj, pronari i kompanisë “Arbri Garden”, së cilës iu zbulua sasia rekord prej 613 kg kokainë në Maminas.
Por ndonëse ky vendim u përshëndet sot nga ambasadori amerikan Donald Lu, duket se arrestimi i Çekajt ka futur në grackë edhe një të ashtuquajtur “peshk i madh”.
Kjo pasi është ambasada e SHBA-ve në Tiranë që ka postuar një fotografi, ku duket se ka përfunduar në grep, një gjysmë peshk dhe gjysmë banane.
Kjo referuar edhe faktit se në kontenierin ku u zbulua kokaina që vinte nga Kolumbia, ishte e mbushur me banane për kamuflim.
“Bravo Gjermania! Bravo Shqipëria!” thuhet në mbishkrimin e fotografisë.
