Pep Guardiola, trajneri i Manchester City-t, në një dalje të fundit publike bëri të ditur se Yaya Toure do të largohet nga ‘citizines’ pas 8 sezonesh. Ish-futbollisti i Barcelonës ishte nga të parat prurje të rëndësishme të sheikëve, i cili gjithashtu ka luajtur në vitet më të suksesshme të klubit.
34-vjeçari do të luajë ndeshjen e tij të fundit në ‘Etihad’ me Manchester City-n të mërkurën kundër Brighton. Edhe pse gjatë këtij sezoni ai nuk ka nisur asnjë ndeshje si titullar Pep Guardiola i ka bërë një premtim atij.
“Yaya ka qenë këtu që në fillim të këtij udhëtimi të ri për klubin e City dhe ka qenë një futbollist kyç, shumë i dashur për ekipin dhe tifozët, – tha Guardiola. – Në ndeshjen e fundit në këtë sezon, në shtëpinë tonë, ai do të ketë mundësinë të përshëndesë tifozët për herë të fundit. I takon të largohet me të gjithë respektit.”
Yaya Toure ka luajtur 229 ndeshje me City në Premier League dhe ka shënuar 59 gola.
