Trupa Gjyqësore e Komisioni të Pavarur, pritet të japë sot vendimin për prokuroren Fatjona Memçaj, e cila doli më 30 prill në seancë dëgjimore.
Prokurorja e Apelit të Tiranës dhe Fatjona Memçaj u ndanë në paqe gjatë seancës dëgjimore të së hënës, duke dhënë sinjalet për rikonfirmimin e mundshëm të saj në detyrë.
Trupa e kryesuar nga Alma Faskaj, me relator Roland Ilian dhe anëtare Firdes Shulin deklaroi se hetimi administrativ për prokuroren Memçaj përfshiu të tre kriteret e rivlerësimit; pasurinë, integritetin e figurës dhe aftësitë profesionale. Raportet e administruara nga Inspektoriati i Lartë i Deklarimit dhe Kontrollit të Pasurive, ILDKPKI dhe Drejtoria e Sigurimit të Informacionit të Klasifikuar, DSIK evidentuan “burime të ligjshme të pasurisë” dhe përshtatshmërinë me detyrën për prokuroren Memçaj.
