Partia në pushtet e Drejtësisë dhe Zhvillimit (AK) në Turqi sot zyrtarisht propozoi presidentin Recep Tayyip Erdoğan për një mandat të dytë.
Anadolu Agency (AA) raporton se kryeministri Binali Yıldırım shpalli Erdoğan-in si zgjedhje të partisë, gjithashtu kryetar i AK partisë, në një mbledhje të grupit parlamentar.
“Kandidati ynë është njeriu i kombit tonë. Me aleancën, ne e shpallim Recep Tayyip Erdoğan-in si kandidat për president”, tha Yıldırım, duke iu referuar Aleancës Popullore që AK Partia e formoi me Partinë e Lëvizjes Nacionaliste (MHP), e cila gjithashtu ka miratuar Erdoğan-in.
AK Partia dhe MHP janë aleate në zgjedhjet presidenciale dhe parlamentare të 24 qershorit.
Erdoğan ka ushtruar postin e presidentit që nga viti 2014. Para kësaj, ai ishte kryeministër nga viti 2003 deri në vitin 2014.
Nëse fiton zgjedhjet e qershorit, Erdoğan do të jetë udhëheqësi i parë i Turqisë nën sistemin presidencial, duke larguar ndër të tjera postin e kryeministrit.
