Deputetet e opozitës hynë në sallën e Kuvendit pesë minuta pasi kryeparlamentari Gramoz Ruçi e hapi seancën. Ata u ulën në vendet e tyre, ndërkohë që nuk dihet se cili do të jetë aksioni i radhës.
Si Partia Demokratike ashtu edhe Lëvizja Socialiste për Integrim kanë paralajmëruar një seancë jo normale.
Burime pranë grupeve parlamentare thonë se deputetët e tyre nuk do lejojnë zhvillimin normal, por ende nuk dihet se çfarë veprimesh do të ndërmarrin ata.
Kujtojmë se seancën e kaluar demokratët u larguan pasi foli kryedemokrati Lulzim Basha, ndërsa ish-kryeministri Sali Berisha filmoi ish-ministrin e Brendshëm Tahiri, që kthehej në Kuvend pas 6 muajsh mungesë.
Demokratët thanë se nuk mund të qëndronin në një sallë me një ish-ministër që sipas tyre, duhet të përfundojë në burg, për ato që i quajnë lidhje të tij me klanin e drogës së vëllezërve Habilaj.
Nuk dimë nëse Saimir Tahiri do kthehet edhe sot në Kuvend, por pak më parë ai paralajmëroi një komunikim me mediat.
