Një 73-vjeçari është plagosur rëndë në një aksident të ndodhur këtë të mërkurë në Elbasan. I moshuari me iniciale R.T. është transportuar në spitalin Rajonal të Elbasanit.
Në aksin rrugor Peqin–Elbasan, në afërsi të fshatit Lolaj, një automjet tip “Ford” me targë AB296 T, që drejtohej nga L.B. 33 vjeç, banues në fshatin Gjocaj-Peqin, është përplasur me një biçikletë që drejtohej nga 73-vjeçari, banues në lagjen Çezmë-Peqin, njoftoi Policia lokale.
Drejtuesi i mjetit është shoqëruar në Komisariatin e Policisë Elbasan për veprime të mëtejshme, ndërsa grupi hetimor po kryen veprimet në vendngjarje për të përcaktuar shkakun e plotë të aksidentit, shtuan të njëjtat burime.
