Ai është një nga moderatorët më të njohur në Shqipëri. Fjala është për Eno Popin, i cili fatkeqësisht në qershor të vitit të kaluar nëna e tij humbi jetën pas një beteje disa vjeçare me një sëmundje të rëndë.
Por sot pas një viti, Eno Popi e kujton me mallë të ëmën, duke theksuar se nuk e ka kapërcyer ende.
I ftuar në emisionin radiofonik “You&Me” Eno u shfaq i prekur kur e pyetën për të ëmën.
“Kur ime më u largua kuptova sa jo prezent kam qenë në shtëpi. Jo një milion, por edhe për dy, tre s’do të pranoja. Janë ca momente që vijnë si film dhe kupton sa jo prezent ke qenë në jetë… Ti mund të kesh paguar shpenzimet spitalore mund të kesh paguar trajtimet e shtrenjta, por disa gjëra nuk i gjen dot si për shembull koha e munguar, koha cilësore kur s’ke qenë në shtëpi, disa ditëlindje që s’ia ke uruar”, u shpreh Eno Popi.
