Roma dhe Liverpooli po diskutojnë përballë njëra-tjetrës biletën e fundit për në finalen e Champions League që këtë vit zhvillohet në Kiev.
Deri në këto momente rezultati është i mbërthyer në barazim 2-2, duke prodhuar një takim spektakolar. Megjithatë, nëse takimi do të mbyllej me këtë rezultat do ishin anglezët që do kalonin në finale, pasi kanë fituar me shifrat 5-2 takimin e parë.
Statistika të çmendura, me “The Reds” që deri në këto momente ka thyer edhe një rekord të këtij kompeticioni, duke realizuar 46 gola brenda një sezoni.
Ata kanë thyer rekordin e Barcelonës të regjistruar në sezonin 1999-2000, ku në 16 ndeshje kishte realizuar 45 gola, kurse Liverpooli e ka bërë këtë brenda 14 ndeshjeve.
