Danilo Alvesh tremb sërish Flamur tarin. Braziliani ka shqetësuar stafin teknik me gjendjen e tij. Që para ndeshjes me Luftëtarin, sulmuesi shfaqi probleme për shkak të dëmtimit. Sulmuesi doli i dëmtuar në takimin me Teutën dhe qysh prej atij takimi e deri sot nuk e ka marrë veten. Për t’u theksuar është fakti se Alvesh ka shqetësuar shumë ditët e fundit. Lojtari ka pësuar një hematomë në këmbë, e cila duket problematike. Burime pranë klubit vlonjat bëjnë me dije për “Panorama Sport”, se situata e Alvesh është e rëndë. Ditët e fundit lojtari nuk është paraqitur në seancat stërvitore, për shkak se e ka pasur të pamundur të stërvitej. Shanset që sulmuesi të jetë gati për ndeshjen me Vllazninë, që do të luhet të shtunën në Vlorë, janë të pakta.
Edhe pse burime pranë klubit bëjnë me dije se stafi mjekë- sor po bën të pamundurën që lojtari ta kalojë sa më shpejt këtë dëmtim, gjasat janë që rikuperimi do të zgjasë, për shkak se hematoma është ende prezente. Për ndeshjen me Teutën, ai nuk do të jetë i gatshëm, por frika ekziston edhe për të radhës me Laçin. Deri pardje mendohej se Alvesh do të rikthehej, por situata ka ndryshuar totalisht.
SITUATA
Mjekët kanë vendosur përfundimisht se as Ardit Hoxhaj nuk është gati. Pas kontrolleve të fundit, është konstatuar se nuk është rikuperuar ende. Lojtari vlonjat nuk ka kaluar ende dëmtimin, kështu që do të mungojë edhe në takimin me Vllazninë. Hoxhaj vijon që të stërvitet individualisht. Ndërkaq, dje ka nisur stërvitjen me grupin Kamara.
Ky i fundit pritet që të rikuperohet dhe të jetë i gatshëm për të marrë minuta në ndeshjen me Vllazninë. Tomislav Bushiç është plotësisht i rikuperuar dhe do ta nisë që nga fillimi këtë fundjavë, duke mbushur kështu boshllëkun që do të sjellë mungesa e Alvesh.
KALENDARI
Edhe pse humbën në ndeshjen me Luftëtarin, vlonjatët kanë ende shpresa për të kapur Europën. Një fakt të tillë e konfirmoi pas ndeshjes me Luftëtarin edhe vetë trajneri Ardi Behari. Në 5 javët e mbetura duket se kuqezinjtë favorizohen nga kalendari. Tri javët e ardhshme në letër konsiderohen të lehta, ndërsa ato më vendimtare luhen në finish. Sikundër dihet, këtë fundjavë presin Vllazninë në Vlorë dhe më pas Laçin, ndërsa në javën e 34-t shkojnë për t’u ndeshur me Kamzën edhe pse në transfertë. Dy javët e fundit luhen me Partizanin në Vlorë dhe me Kukësin në transfertë. Dhe sipas llogarive që klubi dhe stafi po bën, shanset për Europën janë reale. Por, sigurisht që t’ia dalin, duhet të mbledhin pikë mjaftueshëm.
Burimi: http://www.panorama.com.al/sport/demtimi-i-danilo-alveshit-fut-ne-panik-flamurtarin-ja-sa-rrezikon/
