Livepuli është finalistja e dytë e kompeticionit të “Uefa Champions League” ku do të përballet në finalen e madhe të Kiveit kundër Realit të Madridit.
“The Reds” kualifikohet për në finale pas 13 vitesh kur ka qenë për herë të fundit dhe kur e ka fituar këtë trofe duke mundur Milanin në finale.
Skuadra e drejtuar nga tekniku gjerman Jurgen Kloop eleminoi në fazën e gjysmëfinales ekipin italian të Romës ku në mbrëmjen e sotme humbi me rezultatin 4-2, por kualifikimi ishte një çështje e mbyllur për anglezët të cilët kishin fituar në ndeshjen e parë në “Anfield Road” me rezultatin e thellë 5-2.
Një kualifikim mëse i merituar për Liverpulin i cili deri në këtë fazë ka zhvilluar një futboll mjaft të bukur.
Sfida e mbrëmjes së sotme ishte mjaf emocionuese pasi që në minutën e 9-të sulmuesi Mane kaloi në epërsi Liverpulin pas një aksioni mjaft të bukur.
Reagimi i Romës do të vinte në minutën e 15-të që barazoi shifrat falë një autgoli të shënuar nga James Milner që e dërgoi topin në portën e tij. Megjithatë, pjesa e parë do të përfundonte në avantazh të miqëve ku në të 25-tën minutën Liverpuli kalon sërish në epërsi me anë të Uijnaldum që përfitoi nga një gafë e mbrojtjes së Romës duke mposhtur portierin Beker për ta mbyllur pjesën e parë me rezultatin 1-2.
Në pjesën e dytë Roma barazon shumë shpejt rezultatin me anë të sulmuesit boshnjak Edin Dzeko që u tregua i saktë në goditjen e tij brenda zonës.
Kur ndeshja po shkonte drejt fundit në minutën Roma shënoi dy gola të shpejtë me anë të Naigonlan, por që nuk mjaftua pasi Liverpuli kalon për në raundin tjetër.
Liverpul-Real Madrid do të jetë finalja e këtij sezoni e “Uefa Champions League” që do të luhet në Ukrainë në kryeqytetin e Kievit në datën 26 maj.
“The Reds” do të synojë të fitojë këtë trofe pas 15 vitesh, ndërsa Reali do të kërkojë të fitojë për herë të tretë rradhazi këtë kompeticion.
