Një ngjarje e rëndë ka ndodhur mbrëmë në Tiranë, kur një 35 vjeçar është sulmuar nga tre qen rruge. Burime nga policia e kryeqytetit njoftojnë se ngjarja kë ndodhur në Rr. “Myslym Shyri”, kur i riu po kthehej natën vonë në shtëpi, pasi kishte përfunduar orarin e punës.
Fotot e shpërndara në rrjetet sociale tregojnë kafshimin e rëndë që ka pësuar i riu në këmbë, i cili më pas përfundoi në spital për të marrë mjekimin e duhur.
Nderkohe Bashkia e Tiranës ben me dije se prej 2 vitesh ka nisur një projekt për vaksinimin dhe sterilizimin e qenve të cilët janë agresivë me qytetarët ose tregojnë shenja sëmundjeje.
Pranë Agjencisë për Mbrojtjen e Konsumatorit në një vit janë referuar mbi 1 mijë raste të kafshimit të qenve të rrugës, ndërkohë që sot në media u raportua për një 58 vjeçar nga Elbasan i cili ndërroi jetë pasi u kafshua nga një qen.
