U luajt në stadiumin “Santiago Bernabeu” gjysmëfinalja e kthimit e Champions League mes Realit të Madridit dhe Bayernit të Mynihut.
Reali siguroi biletën e finales, pas rezultatit të përgjithshëm 4-3.
Në Gjermani takimi kishte përfunduar me fitoren 2-1 të madrilenëve, ndërsa në “Bernabeu” barazimi 2-2 i dha të drejtë spanjollëve të kualifikohen.
Ndeshja
Pjesa e parë u mbyll në barazim 1-1. Bayerni kaloi në avantazh në minutën e tretë me Kimmich, por në të 11’ Benzema riktheu ekuilibrin.
Sërish Benzema sapo fillon pjesa e dytë realizon për madrilenët.
James Rodriguez barazon shifrat në 2-2 në të 62’, por vetëm kaq. S’ka më gol dhe në finale kualifikohet Reali, i cili pret fituesin e çiftit Roma-Liverpool.
