Roma pret nesër Liverpoolin në kuadër të aktit të dytë gjysmëfinal në Champions League.
Në konferencën për shtyp para ndeshjes me anglezët, trajneri i verdhekuqve, Eusebio Di Francesco, ka theksuar se të gjitha shpresat janë te sulmuesi kryesorë i ekipit, Edin Dzeko dhe se nëse ai është në formë, finalja do të ishte mëse e arritshme.
“Të gjithë lojtarët duhet të jenë përgjegjës dhe të kënaqur që e kemi atë në skuadër. Si trajner jam shumë i kënaqur që e kam këtë përgjegjësi por edhe lojtarët e kanë atë në fushë. Nesër shpresoj që Dzeko të jetë si Salah në ndeshjen e parë dhe të na ndihmojë për të kaluar në finale. Një lojtar me kualitetet e tij mund të bëjnë gjithçka”, tha Di Francesco.
Ndeshja e parë mes Liverpoolit dhe Romës u mbyll me fitoren e “The Reds” me rezultatin 5-2.
