Sara dhe Ledioni prej disa vitesh janë një nga çiftet më simpatik për publikun. Që prej ardhjes në jetë të djalit të tyre London, edhe ata janë një familje e vogël, edhe pse nuk kanë bërë ende dasmën. Çdo vit media aludon për këtë event, mirëpo asnjëherë nuk kanë qëlluar në shenjë. Të jetë 2018 vallë viti kur në familjen Hoxha do të ketë një dasmë?
Sipas informacioneve të newsbomb mesa duket Ledioni dhe Sara do lidhin kurorë në muajin gusht, në një prej vendeve më luksoze të Italisë. Ata do të organizojnë një ceremoni madhështore në “Villa d’Este” në Como të Italisë.
Siç është mësuar ftesat e dasmës tashmë kanë filluar të shpërndahen dhe të ftuarit do të rrinë për tre ditë në ambientin superluksoz të kësaj vile, ku qëndrimi për një person kushton plot 500 euro.
