Kryeministri Edi Rama ka qenë sot i pranishëm në Panairin e Punës në Tiranës, nga ku është shprehur se në të gjitha ndërmarrjet e Shqipërisë ka punë.
Kryeministri gjithashtu ka pyetur në çdo stendë të panairit për vendet që ofrohen dhe nëse ka kërkesa për punë nga shqiptarët.
Rama ka ironizuar komentuesit të cilët i shkruajnë ‘o legen na gjej punë”, pasi punë ka por jo duke qëndruar në kafe.
“Puna nuk vjen në shtëpi, nuk është vetëm punë shteti dhe për ne është e domosdoshme të ndajmë këtë vijë, të funksionojmë si forcë lëvizëse që shtyn drejt punësimit në sektorin privat. Pagat duhet të rriten, por duhet të rritet ekonomia dhe që kjo të rritet duhet të punojmë shumë fort të gjithë. Në këtë panair ka paga të ulëta, mesatare por edhe të larta. Punë ka, por nuk është as në kafe me lekët e mamit dhe babit ose në Facebook duke i thënë kryeministrit ‘o legen na gjej punë”.
