Çdo prokurori e rretheve pritet që deri në vitin 2020 të jetë e pajisur e gjitha me aparatura të përgjimeve. Kjo është pjesë e strategjisë për modernizimin e institucionit të akuzës.
Përgjatë kësaj kohe do të kryhen tendera të shumtë ku çdo prokurori rrethi në vend do ketë pajisjet e saj përgjuese, të cilat do të shërbejnë për shkak të hetimeve të dosjeve të veçanta, kryesisht të kurrupsionit dhe krimit të organizuar.
Përveç pajisjeve përgjuese, është parashikuar dhe ndërtimi i zyrave dhe ambienteve ku do të merren në pyetje personat që gëzojnë status të veçantë, ku përfshihen dhe të miturit. Gjithashtu pritet të trajnohen edhe specialistët të cilët do të merren enkasa me këtë proces. Aktualisht pajisjet e përgjimit ndodhen vetëm në ambientet e Prokurorisë së Përgjithshme dhe në ambientet e Shërbimit Informative Kombëtar.
