Deputeti i qarkut Korçë, Edmond Panariti, Kryetari i Grupit Parlamentar të LSI-së Petrit Vasili, Sekretari i Përgjithshëm i LSI, kanë zhvilluar sot një takim me strukturat e LSI-s në qytetin juglindor.
Gjatë fjalës së tij në këtë takim, kreu i grupit parlamentar të LSI-s, Petrit Vasili u ndal te gjendja e vështirë ekonomike. Ai fajësoi për këtë kryeministrin Rama dhe lidhjet e tij me drogën dhe krimin e organizuar.
Vasili tha se Rama duhet të përgjigjet dhe të japë llogari dhe për mashtrimin e rëndë publik ndaj NATO-s.
“Droga dhe krimi organizuar kanë rrënuar ekonominë. Kryeministri duhet të përgjigjet sepse ka mashtruar për NATO”, tha Petrit Vasili gjatë takimit.
Ndërkaq Sekretari i Përgjithshem i LSI-s, Endrit Braimllari tha se situata e vështirë ekonomike, krimi dhe korrupsioni në Shqipëri, po sjellin gjithnjë e me shumë revoltimin e qytetareve dhe veçanërisht të të rinjve, të cilët nuk mund të pajtohen dot me këtë situatë.
“Kryeministri është koka e korrupsionit në Shqipëri. Rinia e revoltuar nga qeverisja e krimininalizuar e kryeministrit. Baza e LSI-s solidariteti dhe përkushtimi ndaj çdo qytetar”, tha Braimllari.
Ndërkohë deputeti Edmond Panariti theksoi gjatë fjalës së tij se, ‘kryeministri Rama ka mbjelle varfëri dhe mjerim në të gjithë vendin’.
