Shefi ekzekutiv i WhatsApp, Jan Koum, do të heqë dorë nga aplikacioni popullor i komunikimit.
Në një postim në Facebook ai tha se ishte duke marrë pak kohë për të bërë gjëra të tjera që i pëlqejnë jashtë teknologjisë.
Megjithatë, sipas një raporti të Washington Post më herët të hënën, Koum ishte ndeshur me kompaninë mëmë Facebook mbi strategjinë e WhatsApp.
Ai gjithashtu kundërshtoi përpjekjet e Facebook-ut për të përdorur të dhënat personale të WhatsApp dhe për të reduktuar standardet e kompanisë mbi enkriptimin.
Në deklaratën e tij, Kuom tha: “Ka kaluar pothuajse një dekadë që kur Brian Acton dhe unë kemi filluar WhatsApp-in dhe ka qënë një udhëtim mahnitës me disa nga njerëzit më të mirë por është koha për mua të ndaloj këtu.
Ekipi është më i fortë se kurrë dhe do të vazhdojë të bëjë gjëra të mahnitshme … Dhe unë do të jem ende i lumtur për WhatsApp, por nga jashtë”.
Brian Acton dhe Koum, bashkë-themeluan WhatsApp në vitin 2009, përpara se t’ia shisnin atë Facebook-ut në 2014 për 19 miliardë dollarë.
