Policia Bashkiake në Tiranë vijon aksionet kundër shitësve ambulantë. Në rrjete postohen herë pas here video me pamje nga aksionet, ndërsa qytetarët shpërthejnë në komente. Por duket se policia bashkiake është e vendosur për të liruar hapësirat publike nga shitësit ambulantë, duke moslejuar më shitjen e produkteve në trotuare apo jashtë tregjeve të miratuara.
Kryebashkiaku Veliaj thotë se ambicja nuk është që ta bëjë Tiranën si Kalkuta me shitje dhe tregje pa sistem, por si një qytet europian ku ka tregje dhe të gjithë duhet të shkojnë në vendet e caktuara nga bashkia.
“ Ka disa njerëz nga këta cinikët që thonë…a po ti kur ke shitur fiq?! Patjetër, tek pazari i ri që sot është shumë herë më i mirë se kur shisja unë fiq. Por nëse ka ndonjëri nga ju që di ndonjë qytet në botë që ka lulëzuar, ka shpëtuar nga varfëria, është pasuruar se të gjithë njerëzit janë shtrirë në tokë më thoni dhe hajde ta bëjmë Tiranën ashtu.
Nëse ambicja jonë është ta bëjmë Tiranën si Kalukuta, mbani mend filmimet e Nënë Terezës, i pa civilizimi Kaluktën duke u shtrirë të gjithë njerëzit në tokë. Nëse duam ta bëjmë si BE duhet ta bëjmë si në Europë dhe nuk ka nevojë të bëjmë histeri përsa kohë Bashkia ka tregje”, thotë kryebashkiaku.
