Një 31-vjeçar është shpallur në kërkim nga policia e Elbasanit, pasi ka goditur dhe kërcënuar me armë zjarri një 24-vjeçar.
Ngjarja ka ndodhur në lagjen “Kala”, ndërsa personi i cili mbante pistoletën në dorë është larguar nga vendi i ngjarjes sapo ka mësuar për prezencën e policisë. Në pamundësi arrestimi blutë e Elbasanit kanë shpallur në kërkim E.S banues në Elbasan.
Ndërkohë, po merret në pyetje A.H, 24, i cili u përfshi në konflikt dhe u kërcënua me armë tip pistoletë.
Policia e Elbasanit po punon për zbardhjen e plotë të konfliktit si dhe për arrestimin e 31-vjeçarit.
