Sevilla ka shkarkuar Vincenzo Montella-n pas performancës së dobët që ka bërë skuadra e tij që nga fitorja e fundit që ka arritur në 13 mars në “Old Trafford”. Deri më tani, skuadra spanjolle ka nëntë javë që nuk arrin të fitojë, ku pesë janë humbje, e fundit këtë të premte në Valencia.
Vincenzo Montella shkoi në stolin e Sevilla-s në fund të vitit 2017, duke bërë debutimin e tij kundër Cadiz-it në Kupën e Mbretit. Në total, 28 ndeshje, nga të cilat 11 fitore, 7 barazime dhe 10 humbje.
Rruga e skuadrës së Montella-s në Kupë ka qenë brilante, duke arritur në finale, eliminoi dhe Atletico Madrid-in dhe bëri një kualifikim historik në çerekfinalet e Champions League pasi eliminoi Manchester United.
Më pas, humbja në finalen e Kupës kundër Barcelona-s dhe rruga e keqe në La Liga, ku mori 19 pikë në 16 ndeshje, ndikuan te vendimi final i drejtuesve. Montella do të përshëndesë zyrtarisht skuadrën dhe tifozët këtë të diel.
